كيكة شعر بنات و مارشميلو .. سهله و شكلها روعه و الاهم انها لذييييذه

هاااااي ياحلوووين اليوم يايبه لكم كيكه اعجبتني الصراحه

وهم منقوله من منتداي العزيز كويتيات واتمنى انها تعجبكم

كيكة شعر البنات والمارشميلو

المقادير : 4 بيضات - 1 كوب سكر - 1 كوب طحين - 1\4كوب زيت نباتي - 1 ملعقة صغيرة بيكنج باودر - رشه فانيليا - ملون طعام اخضر و احمر - كيس مارشميلو صغار ملون (افصلي لونين الاخضر و الوردي) - كيس شعر بنات - 2 كريمة كي دي دي جاهزه - 2 ملعقة سكر.

الطريقة : 1- تفصلين البياض عن الصفار و تجرخين بياض البيض بروحه بالمخفق الكهربائي لحد ما ينفش و يتضاعف حجمه .

2- تجرخين الصفار منفصل مع السكر و الزيت و الطحين و البيكنج باودر و الفانيليا لحد ما يتجانس الخليط .

3- تضيفين خليط بياض البيض للخليط السابق ببطئ و على مراحل و يخلط بملعقه خشب عدل و تالي فصلي ربع الخليط و اضيفي نقطه من ملون الطعام الاخضر و نقطتين من الاحمر على باقي الخليط .

4- حمي الفرن بدرجة عالية قبل نص ساعه و صبي الخليط في قالب الكيك المجوف من النص و مدهون بزبدة بالتتابع الخليط الاحمر ثم الاخضر ثم الاحمر مره ثانيه و دخليه الفرن بعد ما تخفضين الحرارة الى المتوسطه لمده ساعه الا ربع حسب النضوج .

5- طلعي القالب من الفرن و خليه لين يبرد كلش وبهالوقت جهزي الكريمه .. جرخيها مع السكر و نقطتين من ملون الطعام الاخضر .

6- خلطي الشعر بنات مع كميه من المارشميلو وحطيه في تجويف الكيكه بدون ما تحطين الكريمه في التجويف علشان لايذوب الشعر بنات تالي غطي الكيكه بالكريمه و زيني بالمارشميلو .شكلها من داخل راح يصير جذي

ملاحظه :ممكن تستخدمين خليط الكيك الجاهز مثل ما انا سويت بالصوره لضيق الوقت ماراح يفرق الطعم وايد بس اذا عندج وقت راح تطلع انطع ..ممكن تستخدمين اي لونين تحبينهم انا جربت الكيكه ازرق ووردي و الكريمه زرقا و المارشميلو و الشعر بنات وردي طلعت وااااو ..ممكن تسوينها بالكاكاو و الفانيليا و تغطينها بكاكاو و بالنص كاكاو مالتيزرز بدال المارشميلو ..

وبالعــــافيه Guys

وانا شكلي اليوم بسويها يم يم